स्थानिक सशस्त्र पोलीस दल
About Us
सशस्त्र पोलीस दल – मुंबई पोलीस
मा. अपर पोलीस आयुक्त हे सशस्त्र पोलीस दलाचे प्रमुख अधिकारी असून त्यांचे मुख्यालय नायगांव, दादर, मुंबई येथे आहे. सशस्त्र पोलीस दल मुंबई शहरातील कायदा व सुव्यवस्था राखणे, सुरक्षा बंदोबस्तासाठी मनुष्यबळ उपलब्ध करून देणे आणि विविध ऑपरेशनल कामकाजास सहाय्य करणे यासाठी अत्यंत महत्त्वाची भूमिका बजावते.
सशस्त्र पोलीस दलांतर्गत नायगांव, ताडदेव, वरळी, मरोळ, कलिना तसेच दंगल नियंत्रण पथक यांचा समावेश असून प्रत्येक मुख्यालय विशिष्ट जबाबदाऱ्या पार पाडते.
मुख्य घटक व कार्य
नायगांव मुख्यालय
- शस्त्रागार, वस्त्रभांडार, प्रशिक्षण, वेतन, क्रीडा आदी विभागांचे व्यवस्थापन
- दैनंदिन प्रशिक्षण, गोळीबार सराव व क्रीडा उपक्रम
- शस्त्र व दारुगोळा वितरण
- कॅन्टीनमार्फत आवश्यक वस्तूंचा पुरवठा
- बंदोबस्त व गार्ड ड्युटीसाठी मनुष्यबळ पुरवठा
- साप्ताहिक परेड व शारीरिक तंदुरुस्तीची सुविधा
ताडदेव मुख्यालय
- न्यायालयीन आदेशानुसार कैद्यांची कोर्ट व रुग्णालयात ने-आण
- महिला व बालकांना सुरक्षितपणे स्थलांतर
- कोर्ट, बँक, मर्मस्थळे व लॉकअप सुरक्षा
- मनुष्यबळ पुरवठ्यासाठी शुल्क वसुली कार्य
वरळी मुख्यालय
- मंत्री व वरिष्ठ अधिकाऱ्यांच्या निवासस्थानांची सुरक्षा
- छापे, न्यायालयीन व इतर शासकीय कर्तव्यांसाठी मनुष्यबळ
मरोळ मुख्यालय
- नवप्रविष्ठ महिला पोलीस प्रशिक्षणार्थींचे प्रशिक्षण
- कोर्ट ड्युटी, अतिक्रमण हटविणे व सुरक्षा कर्तव्यांसाठी मनुष्यबळ
कलिना मुख्यालय
- नवप्रविष्ठ पुरुष पोलीस प्रशिक्षणार्थींचे मूलभूत प्रशिक्षण
दंगल नियंत्रण पथक
- दंगली व आपत्कालीन परिस्थिती हाताळणे
- सन 2004 पासून कार्यरत विशेष पथक
- तात्काळ प्रतिसाद व जमाव नियंत्रण
प्रशासकीय कामकाज
- सर्व मुख्यालयांची नियमित पाहणी व कामकाजाचा आढावा
- प्रशिक्षण, निवास व सुविधा सुधारणा
- प्रशासकीय प्रक्रियांचे सुसूत्रीकरण
- तक्रारी व समस्यांचे निवारण
- सेवानिवृत्ती प्रकरणे वेळेत पूर्ण करणे
- वेतन व भत्ते वेळेत वितरीत करणे
- महत्त्वाच्या बंदोबस्तासाठी मनुष्यबळ उपलब्ध करणे
कायदा, सुव्यवस्था आणि सुरक्षिततेसाठी सदैव सज्ज.